सोन्याच्या दरात 440 रुपयांची घसरण झाली आहे. त्यामुळं आज 24 कॅरेट प्रतितोळा सोन्याची किंमत 69,270 रुपये इतकी आहे. तर, चांदी 165 रुपयांच्या तेजीने 79,788 रुपये प्रति किलोवर स्थिरावली आहे. काल चांदीचा व्यवहार 79,623 रुपयांवर स्थिरावला होता. 

ज्वेलर्स आणि किरकोळ खरेदीदारांकडून मागणी कमी झाल्यामुळे सोन्याचे भाव घसरले आहे. जागतिक अनिश्चितता, मध्यवर्ती बँकेची मागणी आणि कमी व्याजदर ही सोन्याच्या स्वस्ताईसाठी चांगले संकेत ठरले आहेत. आज 24 कॅरेट सोन्याचे दर 440 रुपयांनी घसरले आहेत. तर, 22कॅरेट सोन्याचे दर 400 रुपयांनी घसरले आहेत. 22 कॅरेट सोनं प्रतितोळा 63,500 रुपये इतके आहे. सोन्याच्या दरात घट झाल्याने ग्राहकांना मोठा दिलासा मिळाला आहे.